کوشیان و زەخمداری نزیکەی ٤٠ کەس وە تەقینەوەی ناو چێشتخانەیگ لە چین
2023-06-22T06:15:16+00:00
شەفەق نیوز/ ٣١ کەس لەلای کەمەو کوشیان وە تەقینەوەیگ لەناو چیشتەخانەیگ لە شار ینچوان باکوور خوەرئاوای وڵات چین، وەگورەی خەوەر میدیایل راگەیانن فەرمی، ئمڕوو پەنجشەممە.
ئاژانس "شينخوا"ی فەرمی لە زوان دەسەی حزب شیوعی لە ناوچەگە وت: نزەکردن گاز بویە هوکار تەقیان ناو چێشتخانەیگ برشانن.
ئاژانسەگە وتیش: هەفت کەس زەخمدار بویە و هانە خەسەخانە و یەکیگیان زەخمداریی سەختە.
کرتەیلیگ وەلایەن کەناڵ شی سی تی ڤی فەرمی بڵاو کریا نشان پیاوەیل ئاکرکپەوکردن دا هەنای تەقەلای کپەوکردن ئاگریگ لە شوین تەقینەوەگە دەن، و دویکەڵ لە روی چیشتەخانەگە هەڵسێد.
