کوشیان و بیسەروشۊنی وەرۊداگ دڵتەزنیگ وەرانوەر کەنەدا

شەفەق نیوز/ دەیان لە دەریاوانەیل گیانیان لەدەسدان و ١١ی تریانیش بیسەروشۊن بۊن، دۊای نوقمبۊن کەشتی راویگ ئیسپانی وەرانوەر کناراوەیل کەنەدا لە زەریای ئەتڵەسی، ک هیمان مینەکردن وەشۊن رزگاربۊیەیلە وەردەوامە.  

تیمە ٢٤ کەسیەگە لەناو کەشتی  ”فيیا دی بيتانكسو“ بۊن هەنای وەدۊری ٤٥٠ کیلومەتر وەرەو باشوور خوەرئەڵات نيوفاوندلاند نوقم بۊ.  

کەشوهەوا سەختەگە لە وای تون و سەختی نووڕستن، هیشتن مینەکردن رزگاربۊیەیلە سەخت بوود، و هەمیش سەردی شەوانە لە زەریای ئەتڵەسی دەرفەت پەیاکردن کەسیگ زنی کەمەو کەێد.

تیم رزگارکردن دوریایی ئیسپانی وتیە؛ تیمیگ لە ١٦ ئیسپانی و پەنج بیرۆفی و سێ غانی هالە مینەکردن. 

وەگورەی وەزارەت گواستنەوەی ئیسپانیا؛ هووکار رۊدایەگە تا ئیسە نەزانیاگە، وتیش؛ کەشوهەواگە خراو بۊە وەگەرد وا و نووڕستن کەمیگ.