کوشیان ١٢ کووچبەر وە نوقمبوین بەلەمیگ لەناو ئاو فەرەنسی
شەفەق نیوز/ دەسەڵاتەیل فەرەنسا، ئمڕوو سێشەممە، کوشیان ١٢ کەس راگەیان کە ە مەوقەی تەقەلای رەدبوینیان لە کەناڵ ماتش تا بڕەسنە ئینگلستان بەلەمەگەیان شکیا.
پاسەوان کەناراوەیل فەرەنسا وت: بەلەمەگە وەرانوەر کەناراوەیل فەرەنسا کەفتە گیچەڵ، وتیش: ٦٠ کەس لەناوی بوین.
مولازم ئتیان باجیۆ ئەرا ئاژانس فرانس پرێس وت: کەشتی "مينك" بەلەمەگە نووڕیە، و مەوقەی شکیانی رەسیەسە هانای.
وتیش: بەلەمەیل قوربانیەیل لەناو ئاوەگە درارن و وەرەو بولون-سور-مير لە باکوور فەرەنسا گلیانەو دەن.
جيرارلد دارمانان وەزیر حکومەت دەسکیشیای لەبان پلاتفۆرم ئێکس نویسان: ئی رویداوە بویە مدوو کەفتن شمارەیگ لە زەخمدارەیل، و خوەی ئەرا شوین رویداوەگە لە باکوور فەرەنسا لە لو با دی كالێه چگە.
وەگەرد ئەوەیش تیمەیل ئاگرکپەوکردن و کۆپتەر دەریاوانی و دوو بەلەم راو و دوو کەشتی سەربازی ئەرا ئەو کارە ئامادە کریا.
