کوشیان چوار مەدەنی وە مووشەک رووسیا لە خارکیف
![کوشیان چوار مەدەنی وە مووشەک رووسیا لە خارکیف](https://media.shafaq.com/media/arcella/1687009278374.png)
2023-06-17T13:41:36+00:00
شەفەق نیوز/ وەرپرس ناوچەی خارکیف، ئۆلێه سینهۆبۆف، ئمڕوو شەممە، کوشیان چوار کەس وە پەلاماریگ مووشەکەی رووسیا لەبان ئاواییگ بویچگ لە خوەرھەڵات ئۆکرانیا راگەیان.
سینهۆبۆف لەبان تلیگرام وت: سوپای رووسیا مووشەک دژوە تانک وەشانن کەفتە بان ماشینیگ ێوی وەرەو ئەو ئاوایە لە نزیک سنوور رووسیا.
وتیش: چوار مەدەنی لەناو ماشینەگە بوین وە کوتپڕ کوشیان.
ئۆکرانیا چەن ئاوای و ناوچەیگ لە ناوچەی خارکیف لە پاییز گوزەشتە ئازاد کرد، وەلێ لەو وەختە تا ئیسە سوپای رووسیا وە شیوەیگ هەمیشەیی تووپ و مووشەک ئەرای وەشنێد، تا ژیرخانە گرنگەیل بڕمنێد، و کەسەیل بکوشێد، وە گەورەی قسەی وەرپرسەیل ئۆکرانیا.