کوشیان پەنج کەس وە کەفتن فڕۆکەیگ ئەمریکی نزیک رییگ سەرەکی

 پولیس شارەگە لەبان پلاتفۆرم ئێکس وت: فڕۆکەگە لە دەیشت کڕەیل وەرەو خوەرهەڵات دویای دەرچگن لە ری شارلۆت بایک کەفتە خوار، وتیش: کارکردن لە دیاریکردن شوین هەڵسیان فڕۆکەگە وەردەوامە.

پولیس وت: وەڕیەوبەرایەتی فڕۆکەوانی فیدراڵی ئیرنگە رەسیەسە شوین رویداوەگە.

قسەکەر پولیس ئەرا رووژنامەوانەیل کە تووڕ ئێره بی سی نیوز پەخشی کرد وت: تاوەر چەودیاریکردن لە ناشفێڵ پەیامیگ لە فڕۆکەخانەگە لە نزیکەی ساعەت ٧:٤٠ ئیوارە دویلێ نیمەشەو دووشەممە وە وەخت گرینتش وەرگرد.

وتیش: کاپتن فڕۆکەگە لە پەیامەگە وتیە: فڕۆکەگەی گیچەڵیگ کەفتیەسە ناو وزەگەی، و سڵای تیشتنەوە خوازێد.

قسەکەر وەڕیەوبەرایەتی فریاکەفتن ناشفێڵ وت: فڕۆکەگە وەگەرد کەفتنی تەقیەو، و کاریگ کارەساتی بوی و کەسیگ لەلیان قورتار نەوی.