کوشیان محمد عەفیف وەرپرس پەیوەندییەیل راگەیانن حزبولڵا وە گورزیگ ئیسرائیلی لە بەیروت

شەفەق نیوز/ گورزیگ ئیسرائیلی وەبان بەیروت، ئمڕوو یەکشەممە، رەسیە کوشتن محمد عەفیف وەرپرس پەیوەندییەیل راگەیانن لە حزبولڵا.

سەرچەوەیل ئەمنی لوبنان، خەوەردان کە گورزەگە لە ناوچەی راس ئەلنەبع شوقەیگ کردە ئامانج کە نویسنگەی حزب بەعس لە بەیروت هاناوی.

وەگورەی زانیارییەیل، عەفیف لە ساڵ ٢٠١٤ەو وەرپرسایەتی راگەیانن لە حزبولڵا هەڵگردیە، و جویر وەرپرس راگەیانن و بەرنامەیل سیاسی لە کەناڵ ئەلمەنار سەروە حزبەگە کار کرد، و لە حەسەن نەسرولڵا نزیک بوی و سڵاکار راگەیاننی بوی.