کوشیان ٧ کەس وە تەقینەوەیگ وەبان هەڵمەت واکسین کوتان لە پاکستان

شەفەق نیوز/ دەسەڵاتەیل پاکستان، ئمڕوو جمعە، خەوەردان لە کوشیان هەفت کەس، وە تەقینەوەیگ وەبان پولیس، مەوقەی جیوەجیکردن هەڵمەت واکسین کوتیان دژوە ئیفلیج مناڵەیل لە خوەرئاوای وڵات.

پولیس لە بەیاننامەیگ وەلایەن فرانس پرێس بڵاو کریا وت: تەقینەوەگە ئەندامەیل پولیس لە شار ماستونگ لە هەرێم بلوشستان کردە ئامانج، هەناێ لەناو پاسیگ بوین ئەرا پاسەوانیکردن کارمەنەیل پزشکی لە هەڵمەت واکسین لە وڵاتەگە.

ئەفسەرەیب پایەبەرز لە پولیس ئەرا ئاژانس فرانس پرێس وتن: هەفت کەس، یەک پولیس، و پەنج مناڵ، و خاوەن دوکانیگ لەو تەقینەوە لەناو بازاڕ سەرەکی شارەگە کوشیان.

هویچ لایەنەیلیگ وەرپرسایەتی خوەی لەی تەقینەوە ئاشکرا نەکرد.