کوشیان ١٩ کەس وە تەقەکردن ناوەین دوو باند هووشبەری لە مەکسیک

وەزارەت ئاسایش مەکسیک لە بەیاننامەیگ وت: لە ناوچەی تاباسکو لەناو بارهەڵگریگ ١٤ کەس پەیا کریانە وە گولە کوشیانە، و دوو کەسیش لەناو کابینەی ماشینەگە، و دوو کەسیش لەکەنارەو کەفتوین، و کەسیگ ترەک وە دویری ١٠٠ مەتر لەلییان.

تاباسکو سنوور کواتیمالا وەرد ویلایەتەیل شانی لە کناراو خەلیج مەکسیک بەسێدەو،  و هەکاتی چیاباس وەرجە تەقیانی، شوینیگ بوی ئەرا ریەیل سەرەکی قاچاخکردن هووشبەری و کووچبەرەیل ئەرا دەیان ساڵ گوزەشتە، چوینکە شوین جوگرافیای ناوچەگە ئەرا ئەو کارە گونجیاس.

کارەیل تونەڕەوی تاوانی لە مەکسیک بویە هوکار کەفتن زیاتر لە ١٥٠ هەزار کوشیان و سەد هەزار بیسەروشوین لە ساڵ ٢٠٠٦ تا ئیسە، لە وەختیگ سەرۆک فیلیبی کالدیرۆن دەسکردە هەڵمەتیگ سەربازی لەبان بازرگانیکردن وە هووشبەری.