کوشیان سەربازیگ ئیرانی لە تەقەکردنیگ لەبان سنوور وەرد کوردستان
2022-07-21T07:11:35+00:00
شەفەق نیوز/ میدیایل راگەیانن ئیران، ئمڕوو پەنجشەممە، خەوەردان لە کوشیان سەربازیگ ئیرانی وە تەقەکردن لەبان سنوورەگە وەگەرد هەرێم کوردستان.
ئاژانس خەوەری ئیرانی "ئیرنا" وت: تەقەکردن وەگەرد گرووپیگ تیرۆریست لە پارێزگای کوردستان ئیران لەکنار هەرێم کوردستان عراق بویە هووکار کوشیان یەکیگ لە ئەندامەیل سنوور ئیران وەناو "مەهدی محمەدی نەسەب".
وەگورەی ئاژانسەگە: لە ئەنجام تەقەکردنەگە ئەندامەیل شانەگە دەسگیر کریان ودەسنریا بان شمارەی چەک فرەیگ.
