کوشیان زیاتر لە ٢٠٠ کەس لە لافاوەیل هندستان
شەفەق نیوز/ رووژنامەی The Quint، ئمڕوو دووشەممە، وت: شمارەی کوشیایەیل لەئەنجام خورمیان خاکەگە لە ویلایەت مانیبور لە وڵات هند رەسیە ٤٢ کەس، ودوو سەرباز هاناویان.
تەپە وسەنگەیل لە نزیک سکەی قەتاریگ هاتنە خوار، ئەوەیش لەناوچەیگ ک بارەگایگ سەربازی هندی لەناوی هەس.
رووژنامەگە وتیش: بەشیگ لە ئەندازیار وکراکارەیل وەگەرد دانشتگەیل ئەو ناوچە بوینەسە قوربانی.
٢٠ کەسیش بیسەروشۊن بوینە ک ٣ سەرباز هاناویان و هیمان کار تەقەلای رزگارکردن لە شوین رویداوەگە وەردەوامە، ناوی وەسەختی وەڕیەو چوود چوینکە وارانەگە فرە رفتە، وهیمان زەویەگە نائارامە.
لە خود وەختەگە، ١٧٩ کەس لەلای کەمەو وە لافاوەیل ویلایەت ئاسام هندستان گیانیان لەدەسدان.
وەگورەی سایت رووسیا ئمڕوو، شمارەی زەردمەنەیل ئەو لافاوە رەسیە نزیکەی ٧٠٠ کەس لە خەڵک ١٦١٨ ئاوای.
وتیش: ئی کارەسات سروشتیە ١٤٨ ماڵ رمان وبەشیگیان وە تەواوی خاپوور کرد.
