کوشیان دویەتیگ عراقی لە ئەمریکا و توومەتبارکردن شویەگەی
سایت WRAL NEWS وت: عومەر ماسیو ئیبراهیم درابیک دەسگیر کریا، وەتوومەت کوشتن پلە یەک، و سڕپوکردن مردنیگ نا سروشتی، دویای پەیاکردن تەرم هەدیل لەتەمەن ٣٤ ساڵان لە دەریاچەی جوردان.
پیاوەگە لەلای پولیس ناوچەی چاتام دەسگیر کریایە، و دادکاریی کەفێدە ئی رووژەیل بانانە.
ئەو ژن و شویە کە هەردوگیان هاوتەمەن بوینە، ماڵیان لە ناوچەی ئەبیکس بویە، و پزشکەیل گومان لە شیوەی مردن ژنەگە داشتنە، و پولیس ماڵیان لە ئەبیکس وماڵیگتر لە رالی وەشکینە.
ریخریاگ WRAL وەرد برای ژنەگە قسە کردیە، وەناو فیرتس حكمەت، کە لە تورکیا داکاسیایە، و وتیە پارەکە هاتیەسە عراق و زاواگەی چەوەڕی دادکاری کەێد.
کەسیگ لەناو بەلەمیگ لە دەریاچەی جوردان پەیوەندی و کویخای ناوچەی چاتام کردیە، کە تەرمیگ لە سەرەوخواری فارینجتون پۆینت لەبان ریەگە پەیا کریە.
دویای ئەوە کە ئاشکرا بوی ئەو تەرم ژنیگ عراقیە، و دیاری کریا کە وەدەس کەسیگ کوشیایە.
مایکڵ رۆبرسون کویخای ناوچەی چاتام وت: هوەیرمان کەفتیەسە لای بنەماڵەی هەدیل خان و ئەو بنەماڵەیل کە وەیجویرە وەسەریان هاتیە.
