کوشنەر : ترامپ هویر لە کاندید کردن خوەی لە 2024 کەێد
![کوشنەر : ترامپ هویر لە کاندید کردن خوەی لە 2024 کەێد](https://media.shafaq.com/media/arcella/1662108889155.jpg)
شەفەق نیوز/ جارید کوشنەر زاوای وەرین دۆناڵد ترامپ و یاریدەر وەرینی، ئمڕوو جومعە وت: ترامپ هویرەو کەێد وە کاندیدکردن خوەی ئەرا سەرۆکایەیتی ئەمریکا ساڵ 2024.
کوشنەر لە بەیاننامەیگ رووژنامەوانی وە تووڕ سکای نیوز راگەیان" ئاشکەراس ک ئەو هویرەو وە ئەو کارە کەێد، و بیزارە لەوەگ دوینێد لە وڵاتەگە روی دەێد".
لە باوەت پرسیار ئەوەگ ترامپ کەی بڕیار دەێد، کوشنەر وت " کەس نیەتوەنێد قسەی وەناوی بکەێد".
لە پرسیارگ ئەگەر ئەوە هەس ترامپ ئەرا جاریگتر لە سەرۆکایەتی دویرەو بخریەێد، وت" وەگەرد ترامپ قورسە دویرەو بخریەێد، ئەو خاوەن نەرمی و نیانی فرەیگە".