کوشتاریگ لە ئەمریکا.. کوشیان 9 کەس لە ناویان ژن زگپڕیگ و دوو مناڵ وە تەقەکردن لەناو ماڵیگ

شەفەق نیوز - وەدویاچگن

نۆ کەس کوشیان، کە لە ناویان ژنیگ زگپڕ و دوو مناڵ بۊن، لە رویداو تەقەکردنیگ لەناو ماڵیگ لە شار ئیری لە ویلایەت پەنسلڤانیای ئەمریکی، لە وەختیگ مەزەنە سەرەتاییەیل ئۊشن گومانلیکریایەگە دۊای ئەنجامداین پەلامارەگە کووتایی وە ژیان خوەی هاوردگە، لە وەختیگ دەسەڵاتدارەیل وەردەوامن لە لێکۆڵینەوەیلیان ئەرا ئاشکراکردن بندروس تاوانەگە و مدووەیلی.

وردەکاری رویداوەگە وەختیگ دەس وەپی کرد کە پۆلیس خەوەردانەیلیگ لەباوەت تەقەکردن لە جادەی پێری وەپی رەسی، نزیک سەعات پەنج ئیوارە وە وەخت ناوخۆیی، تا مەفرەزەیل بچنە شوینەگە و دوو ژن پەیا بکەن کە لەبان ریەگە وە گولە کوشندە لەلییان دریاس.

وەپەی زانیارییە سەرەتاییەیل کە رووژنامەی "زە سەن" بڵاوی کردگە، گومانلیکریایەگە لەناو ماڵەگە خوەی قایم کردۊ وەرد هەڵگردن چەکیگ تەقەکەر، ئەو کارە کە هەوەجە وە دەسوەردان تیمیگ لە هیزە تایبەتەیل کرد، وەرجە ئەوەگ تەقەکردن لە ناوەین هەردوولا دەس وەپی بکەێد.

دۊای کووتاییهاتن رووبەڕووبۊنەگە، ئەندامەیل پۆلیس چگنە ناو بیناگە، لەورە تەرم شمارەیگ لە کەسەیل لە بەشەیل جیاوازی پەیا کردن، لە وەختیگ لێکۆڵینەوە سەرەتاییەیل نشان دەن کە گومانلیکریایەگە وە مدوو زەخم گولـەیگ کە باوەڕ کریەێد خوەی وە خوەی داۊد گیان لەدەس داگە.

دەسەڵاتدارەیل دووپات کردن کە شمارەی قوربانییەیل رەسیەسە نۆ کەس، کە لە ناویان ژنیگ زگپڕ و دوو مناڵ هەم، بی ئەوەگ ناسنامەیان یا سروشت ئەو پەیوەندییە کە بەسایەسەیان وە گومانلیکریایەگە ئاشکرا بکەن.

فەرماندەی پۆلیس ئیری، ریک لۆرا، شوین تاوانەگە وەسف کرد وە یەکیگ لە دڵتەزینترین و سەخترین دیمەنەیل کە تیمەیل پۆلیس و لێکۆڵینەوە تویشی هاتیەن، و دیاری کرد کە گەورەیی زیانە گیانییەیل و ئەو رەوشە کە دەورگرد رویداوەگە گردۊ، کاریگەری قورسیگ لەبان ئەندامەیل ئەمنی وەجی هیشتگە.

لۆرا دووپات کرد کە دەسەڵاتدارەیل وە وریایی و هەستیارییەو وەرد رویداوەگە رەفتار کەن لەوەرچاوگردن قوربانییەیل و خیزانەیلیان، لە وەختیگ لێکۆڵەرەیل وەردەوامن لە گردەوکردن بەڵگەیل ئەرا دیاریکردن مدووەیل تاوانەگە و سەرلەنوو رێکخستن زنجیرەی رویداوەیل.

پۆلیس دووپات کرد لە نەۊین هەڕەشەیگ وەردەوام ئەرا بان دانیشتگەیل، وە دووپاتکردن ئەوەگ لێکۆڵینەوەیل هێمان وەردەوامن، بی راگەیانن وردەکاری لەباوەت ناسنامەی ئەنجامدەر پەلامارەگە یا ئەو مدووەیلە کە گاڵی داۊن ئەرا تەقەکردن.