ئەوروپا: بڕیان کارەبای فراوانیگ لە ئیسپانیا و پورتوگال و فەرەنسا
شەفەق نیوز/ ئمڕو دووشەممە، ئیسپانیا و پورتوگال وەشیوەی فراوانیگ بڕیان کارەبا وەخوەیان دین، وەیەوە ملیۆنان هاوڵاتی بێ کارەبا بوین، لە وەختیگ باس لە گیچەڵ تووڕ کارەبای ئەوروپا کریەێد.
سەرچەوە فەرمییەیل پورتوگال ئەرا میدیا ناوخۆییەیل دووپات کردن کە بڕیان کارەبا کاریگەری لەبان گشت وڵاتەگە داشتیە وەگەرد ئیسپانیا.
لەوەر بڕیان کارەبا کارەیل فڕۆکەخانەی ناودەوڵەتی باراخاس مەدرید وسان، و تووڕەیل پەیوەندییەگانیش کاریگەری لەبانیان بوی، دانیشتگەیل هەردوگ وڵات گلەیی لە لەدەسدان خزمەتگوزاری مۆبایل کەن، هەرلیوا، هامشوو ئاسمانی لە فڕۆکەخانەیل ترەک ناوچەگە وەسیا.
هەلیوا فرەیگ لە سەرنشینەیل لەناو وێستگەیل میترۆ لە پایتەختەیل هەردوگ وڵات گیر خواردوێد، لەوەر ئەوە کە قەتارەیل لە تونێلەیل ناوەین وێستگەیل وەساوێن. بڕینەکە کاریگەری لەبان خەسەخانەیل بویە، لەناویان خەسەخانەیل لاباز لە مەدرید.
لە پیشهاتەیل زویوەزوی، حکومەت ئیسپانیا گردەوبوین زویوەزوی لە کۆشک مۆنکلۆا ئەنجامدا ئەرا چەودیاریکردن قەیرانەگە، دەسەڵاتدارەیل داوا لە هاوڵاتیەیل کردنە پەیوەندی وە شمارەی فریاکەفتن 112 نەکەن ببجگە لە هەلومەرجیگ فرە تون، ئەرا ئەوەگ کڕەیل فریاگوزاری زاڵ نەوون.
هەرلیوا بڕیان بڕیارەگە ئەرا ئیمارەی ئەندۆرا و ناوچەیل فەرەنسا کە هاوسنوورن وەرد ئیسپانیا و دویاتر ڕاپۆرتەیل باس لەوە کەن کە ناوچەیل بەلجیکا زیان وەپییان رەسیە.
تا ئیسە مدووەیل رویداوەگە نەزانیاس، بەڵام کۆمپانیای ئێندێسا و ئیبەردرۆلا کە گەورەترین کۆمپانیایل دابینکردن کارەبای ئیسپانیاس، راگەیانن کە لێکۆڵینەوە لە رەوش پچڕانی کارەبا واز کردن.
میدیا ناوخۆییەیل بڵاو کردنە کە ئەو هەڵە پەیوەندی وە کێشەیل تووڕ کارەبای ئەوروپا دیرن، کە کاریگەری لەبان تووڕە نیشتمانییەیل نیمچە دوورگەی ئیبەری بویە.
