کورونا، سەر لە وەرزێشتکارەێلەێش شێوانگە

شەفەق نیوز- پێشکشکار تەرحێگ تەحقیاقاتی دە مل وەرزێشت تێهران وانگ داگە ک دوماێ هاتن کورونا 80% وەرزێشتکارەێلە ئەڕا وەرزێشت کردن مەحدوودییەت پەیدا کردنە و سەخت و سس کەفتنە ئوو هەمیش 30%یانیش هه واز هاوردنه له وەرزێشت کردنەێلەیان.

ئەوی وتگە 21.5% ئەوان دەربەن کورونا نەبینە و کار خوەیان کردنە و 48.5% ئەوانیش نیمەناتەمام شوونگیر وەرزێشتەگەیان بیینە و 30.%یش لە بنەو، واز هاوردنه لەێ کارە.

دوکتور عەلی کاشی، ماموستاێ زانکو وتگە ک کورونا، ئاڵنگ فرەیێگ دە مل وەرزێشت داشتگە ئوو هەرچەن وەگەرەک بی ک دەێ ناوە و ئەڕا نواگیری لە تووش هاتن و وەبان بردن سیستم هێمنی بەژنێیان، مەردم وەرزێشت فرەترێ بکردان تا گیان و لەش وڵاتوەندەێلە وەرەقەت نواگیری لە تووش نەهاتن وە کورونا لە دە‌س نەداگا باوجی وەداخەوە لەێ‌وا نەکریاگە و بێ‌ژە باشگاێلە ک فرە لەیان داخریانە و کار بار و دەرئامەگەیان لە دەس دانە، فرە لە مەردم دی دە دەر کەلیش واز لە وەرزێشت کردن هاوردنە ک یە فرە ئەڕا تەندوروستی گەنە و کوت‌کوت لەش‌ساقی جامێعە وەرەو گەنی دبەێ.