کورونا، ئێران ته‌عتیله‌و کرد
شه‌فه‌ق نیوز- هه‌رچه‌ن ده ئی هه‌فته ک چگ، وه خاتر کورونا، ده‌وڵه‌ت وت ک بایەد فرەتر لە سێ‌کوت کارمه‌نده‌یلە ده سه‌ر کار نه‌بن و ئەو دووەیان ده ماڵ دوورکاری بکه‌ن، باوجی وه بوونه‌ی گووش نەتەکانن لە ئی فرمانه و هاوردن کارمه‌نده‌یل وه سه‌ر کار، چه‌ن فرمانێ تر دریا وه ئێدارەیلە ک یه‌کێ له‌یان یه بی ک په‌نج‌کوت کارمه‌نده‌یله بچنە سه‌ر کار و چوار کوتێیان نەچنە سه‌ر کار.
ئمڕوو ره‌ییس سازمان ئستخدامی کشور ده وت‌ووێژێ وه‌رد ده‌نگ و ره‌نگ ئێران وت: گشت ئداره‌یله، ده ئی هه‌فته ک دیاێ ته‌عتیلن مه‌ر ره‌ییس گه‌ورای ئه‌و ئداره، تاکمه‌که‌سێ له کارمه‌نده‌یله ئه‌ڔا ئه‌نجام داین کار فره فره لازمێ، بچڕێ وه سه‌ر کار.
ئه‌وی وت: بەرپرسە‌یلە بایەد تا دتوانن کەمتر ژێردەسەیلەیان بچڕنە سەر کار.
جەمشێر ئەنساری، دۆماجار وت: داخوازمان لە وڵاتوەندەیلە یەسە ک تا دتوانن تا دو سێ هەفتەی تر شوونگری کارە‌یلەیان دە ئدارەیلە بخەنە دۆما تا بەشکەم بتوانیمن زەنجیرەی کورونا ببڕیم.
بڕێ دویشن ک هادەێ ئی وەز و وەزیاتە تا چە‌ن هەفتەی تر، بان ئەڵ بان، دریژە داشتووبێ.
