گورزیگ ئەمریکی وەبان داعش لە سۆماڵ
شەفەق نیوز/ ئەمریکا گورزیگ وەبان گردەوبوین ریخریاگ داعش لە ناوچەیل عەلمسکاد لە هەرێم بری لە سۆماڵ جیوەجی کرد.
وەرپرسیگ لە ویلایەت پۆنتەلاند نیمچە سەروەخوەی باکوور خوەرهەڵات سۆماڵ ئەوە وت.
ئی جورزە دویای چەن رووژیگ لە پەلامار ریخریاگ داعش وەبان ئاوای دارجالی تیەێد لە هەرێم بری، کە زیاتر لە ٢٠ کەس کوشیانە سەرباز و مەدەنی هاناویان.
قسەکەر ئۆپراسیۆنەیل دژە تیرۆر لە پۆنتەلاند، ژەنراڵ مەحمود محمد ئەحمەد، وت: ئەمریکا گامیگ گرنگ جیوەجی کرد ئەرا دەسمیەتیدان پۆنتلاند لە نواگیریکردن تیرۆر.
وتیش: سوپای ئەمریکا کەیمن ئەرا پشتگیریکردن وەردەوامی لە جەنگمان دژە تیرۆر، کە نواگیری هەڕەشەسل فرەیگ کرد.
پۆنتلاند پەیمان وەردەوامی جەنگ دژوە گرووپەیل تیرۆری وە دەسمیەتی کۆمەڵگای ناودەوڵەتی، و ئەمریکا تا ئیسە وەڵام ئەو گورزەیلە نەیاس کە شوینەیل ریخریاگ داعش کردنە ئامانج.
