گورز ئاسمانی و جەنگ سەختیگ لەناوڕاس خەڕتووم
شەفەق نیوز/ راپۆرتەیل ئمڕوو دووشەممە، باس جەنگەیل سەختیگ ناوەین سوپای سودان و هیزەیل پاڵپشتیکردن زویوەزوی لە ناوچەی موقرن ناوڕاس خەڕتووم پایتەختە کردن.
"سكای نيوز عربية" لە زوان سەرچەوەیلی وت: سوپای سودان هیزەیلی لە ناوچەی ئوم دەرمان وەرەو ناوڕاس خەڕتووم کل کرد.
وتیش: فڕۆکەوانی جەنگی پەلامار گردەوبوین هیزەیل پاڵپشتیکردن زویوەزوی لە ناوچەی موقرن ناوڕاس خەڕتووم جیوەجی کرد، و پاڵپشتیکردن زویوەزوی وەدژە فڕۆکە وەشیوەی خەسیگ وەڵامی دادەو.
کارەسات مرۆیی وەشیوەی گەورەیگ بەرزەو بوود، وەگەرد رەسین جەنگ ئەرا ١٣ ویلایەت لە ١٨ ویلایەتەگەی سودان.
لەی هەفتەیل دویاییە جەنگ ناو سودان فرە بەرزەو بویە.
یەیش وەگەرد بڵاوبوین رخداریگ ئەرا بیماری و پەتا تیەێد وەگەرد بەرزەوبوین بەدخوەراکی لەلای مناڵەیل.
لە وەختیگ ورسگی ٢٦ ملیۆن کەس لە وڵاتەگە گیر هاوردیە، نزیکەی ٣٤ لەسەد مناڵەیل زیان بەدخوەراکی تیژیگ وەخوەیان دوینن.
وەگەرد درویژبوین ماوەی جەنگ، زیان ئەو کەسەیلە زیایەو بوود کە لە ژیر تەقەی گولە و گورزەیل رووژانە ژیەن، و کەفتە وەر سەختی بیماری وەزگ چووڵ.
