پوتین: خوەرئاوا پلان داگریکردن رووسیا داشت و ئیمە شکست وەی پلانە هاوردیمن
شەفەق نیوز/ فلاديمير بوتين سەرۆک رووسیا، ئمڕوو دووشەممە، وت: ئەمریکا و ئەوروپا پلان داگیرکردن وڵاتەگەی داشتنە، باوجی مۆسکۆ شکست وەی پلانە هاورد، و دووپات کرد ک ئۆپراسیۆنەیل سەربازی لە ئۆکرانیا ئامانەجەگەی چارەکردن هەڕەشەیلیگە لەبان رووسیا بوی.
پوتین لە وتاریگ لە ٧٧ مین ساڵیاد سەرکەفتن لەبان سوپای نازی ئەڵمانیا وت: خوەرئاوا ئامادەکاری ئەرا داگیرکردن خاکمان کردیاد، و ئەرکمان ئەوەسە مقەیەتی ئەو کلتوورەس ک نازی لەناوبرد، تا ئەو رووژەیلە دووارەو نەوون.
وتیش: مەترسیەگە رووژ دویای رووژ زیاتر بویاد، و مۆسکۆ وەرجەیە چارەیگ ئەرا ئی گیچەڵە خستە وەردەس، و رووسیا مکیس خوەرئاوا ئەرا گفتوگۆی پاکیگ کرد، باوجی بیخود، ک دەوڵەتەیل ناتو ئارەزوو گووشگردن نەیاشتن.
و ئەرا سوپای رووسیا وتیش: لەی رووژەیلە لە دونباس وەخاتر رووسیای نیشتمانمان جەنگ کەین، و وەشیوەیگ ئاشکرا ئامادەکاری ئەرا جەنگەگە لە دونباس و قرەم کریا، و تەقەلا داشتن چەک ئەتۆمی بکەفێدە دەسیان.
بوتین وتیش: ئیمە هاووڵاتی خوەمان وڵ نیەکەیمک تا بکەفیمنە شوین کلتور گەلەیل و ئەوان تەقەلای شیوانن میژوو دانە، وتیش: ئی سەرکەفتنە سەرکەفتن گشتیە، و بەشداریکردن گشت ئەوانەگ دەسیان لەناوبردن نازی بویە خەیمنە وەرچەو.
