وایین مەلەوانیگ یانەی ئیران ئەرا ئەڵمانیا
2023-07-07T09:11:30+00:00
شەفەق نیوز/ دەزگایەیل راگەیانن ئەڵمانیا، ئمڕوو جومعە، خەوەردان مەلەوانیگ ئیرانی داوای پەنابەر سیاسی لە ئەڵمانیا کردیە.
سایت DW لە راپۆرتیگ راگەیانیە، پارسا حەیدەری مەلەوان لە یانەی ئیران داوای پەنابەر سیاسی لە ئەلمانیا کردیە لەدویای ئەوەگ کەسەیلیگ لە فیدراسۆن مەلەوانی ریگری لەلی کردنە لەورا راهێنان بکەێد.
لە راپۆرتەگە هاتیە، مەلەوانەگە لە چەو وەپی کەفتنیگ وەگەرد فیدراسۆن مەلەوانی ئیرانی رەخنە لەلی گیریاگە، ئیرنگە ئەو لە شار هالە راهێنان کەێد هیوا خوازێد درویژە وە مەلەوانی بەێد.
لە راپۆرتەگە ئاشکەرایکرد، حەیدەری وڵاتەگەی وەجی هیشتیە ئەرا ئەوروپا چگە گلەونیەخوەێد ئەرا وڵاتەگەی داوای ماف پەنابەری سیاسی لە ئەڵمانیا کەێد.
حەیدەری لە چەو وەپی کەفتنیگ تلفزیۆنی وت، ئەو وڵاتەگەی ئیران دوس دیرێد، باوجی کەسەیل دیاریکریایگ لەورا کارەیلیان پاڵنەر بوینە ئەرا ئی بڕیارە، ئاشکەرایکرد، ئی بڕیارە ئەرا ئەوزەڵداین خوەی دایە لەبان ئاست کەسی و وەرزشی و پیشەیی.
