وانەوتن مامووستایل پیاو لە مەکتەویل دویەتانە ئیران قەیەغە کریا

شەفەق نیوز/ جیگر پەروەردەی دویاناوەندیی وەزارەت پەروردە و بارهێنان ئیران راگەیان: وانە وتن مامووستایەیل پیاو لە مەکتەویل دویاناوەندیی دویەتانەی ئیران قەیەغەس. 

محەممەد مەهدی كازمی، جیگر پەروەردەی دویاناوەندی وەزارەت پەروردە و بارهێنان ئیران، لە كۆنفرانسیگ رووژنامەوانی رایگەیان وەگورەی بڕیار وەزارەت پەروەردە وانەوتن مامووستایەیل پیاو لە مەکتەویل دویاناوندی دویەتانەی ئیران قەیەغەس و نیەوود وەهویچ جویریگ پیاوەیل لە قوتابخانەی دویەتانە وانە بویشنەو. 

ئاشکەرایکرد، بڕیارنامەگەمان ئەرا گشت پارێزگایەل ئیران کلکردیمنە و راگەیانینە ک مامووسایەیل پیاو نیەتوەنن لە مەکتەوەیل دویاناوەندی دویەتانە وانە بویشنەو بایەت وە زووترین وەخت ئەو بڕیارنامە بچوودە مژار جیوەجیکردن و لەئەگەر سەپیچیکردن لەو بڕیارە کەسە سەرپیچیکارەگە رویوەروی یاسا بوود.