هیندستان: کوشیان و بیسەروشوینی ١٨ کەس وەرمیان یەخ لە کویەیل هەمەڵایا
2022-10-05T13:40:26+00:00
شەفەق نیوز/ وەگورەی سەرچەوەیلیگ هیندی، ئمڕوو چوارشەممە، خەوەردانە لە کوشیان ١٠ کەس لەلای کەمەو لە رمیان یەخ لە کویەیل هەمەڵایا.
پۆلیس هندستان لە نووترین ئامار وت: ١٠ کەس لەلای کەمەو گیانیان لەدەسدانە لە کویەیل هەمەڵایا، و هیمان ١٨ کەس بیسەروشوین مەننە، دویای رمیان یەخەگە وەبان گرووپیگ شاخەوانی.
ئی گرووپە ٣٤ فێرخواز لە پەیمانگای نەهرو ئەرا شاخەوای هاناوی، وەگەرد ٧ مامووستا و یەک خانمە پەرستار.
وەگورەی فرانس پڕس، ئەو رمیان یەخە لەنزیک لویتکەی کویەێ دروبای کا داندا وە بەرزی ٤٨٨٠ مەتر لە ویلایەت ئەوتارنچال باکوور وڵاتەگە بویە.
دویەکە سێشەممە کەشوهەوا سەخت بوی، ئەراوە مینەکردنەگە کەفتە ئمڕوو چوارشەممە.
پۆلیس ویلایەت ئەوتارنچال لەبان تویتەر وت: تیمەیل رزگارکردن ١٠ تەرم لەژیر یەخەگە دراوردن، و ١٤ کەسیش رزگار کریان.
