هەناردەی نەفت عراق ئەرا ئەمریکا لە ماوەی هەفتەیگ زیای کرد

ئیدارەی ئەمەریکا لە خشتەیگ کە ئاژانس شەفەق نیوز دیەسەی، باس کرد کە “بڕ هاوردەکردن نەفت خاو ئەمریکا لە ماوەی هەفتەی گوزەشتە لە 9 وڵات گەورەوە رەسیەسە 5 ملیۆن و 396 هەزار بەرمیل لە رووژیگ، کە بەراورد وە هەفتەی گوزەشتە 632 هەزار بەرمیل لە رووژیگ کەم کردگە، کە بڕ 6.028 ملیۆن بەرمیل لە رووژیگ بوی”.

وتیش: "هەفتەی گوزەشتە هەناردەی نەفت عراق ئەرا ئەمریکا 195 هەزار بەرمیل لە رووژیگ بویە، کە وە بەراورد وە هەفتەی گوزەشتە 31 هەزار بەرمیل لە رووژیگ زیای کردگە، کە رووژانە 164 هەزار بەرمیل بویە".

 هەرلیوا، ئیدارەی ئەمریکا باس ئەویش کرد کە "فرەی داهات نەفتی ئەمریکا لە ماوەی هەفتەی گوزەشتە لە کەنەداو  3.890 ملیۆن بەرمیل لە رووژیگ هاتگە، لە دویای ئەویش مەکسیک وە  372 هەزار بەرمیل لە رووزیگ، لە دویای ئەویش بەڕازیل وە 341 هەزار بەرمیل، و لە ئیکوادۆر  ٢١٠ هەزار بەرمیل لە رووژیگ”.

وەگورەی خشتەگە، “بڕ هاوردەکردن نەفت خاو ئەمەریکا، لە سعودیەو، بە ریژەی 162 هەزار بەرمیل بویە لە رووزیگ، لە لیبیا وە ریژەی 86 هەزار بەرمیل لە رووژیگ، لە کۆڵۆمبیا 83 هەزار بەرمیل، لە نەیجیریا ٥٧ هەزار بەرمیل لە رووژیگ”.