هەڵمەتیگ ئەرا ئاڵشتکردن شاهنشینی وە کۆماری لە بەریتانیا
شەفەق نیوز/ لەی ماوەی دویاییە، وەگەرد رەسین بەریتانیا ئەرا ئاهەنگ وە یوبیل پلاتینی ئەرا نیشتن شاژن ئێلیزابێت دویەم لەبان تەخت، پڕۆپاگندە ئەرا رمانن رژیم شانشینی و داناین کۆماری بڵاو بوی.
ئەو هەڵمەتە ک ئەرا کۆماری بانگواز کەێد، هەزاران دۆلار گردەو کرد ئەرا چاپکردن دروشمیگ وەناونشان "بیلا ئێلیزابێت بکەیمنە دویاترینان". گراهام سمیت وەرپرس ئی هەڵمەتە وت: وەختەگە فرە گونجیاگە ئەرا هەڵکەفتن باوەتەگە تا مەردم باس لە بانان رژیم شاهی بکەێد.
کلارنس میچڵ ئەندام ئەنجومەن شار ریدنگ، نزیک لەندەن، باس ئەو کارە وە کاریگ رسوایی کرد، و مەوقەگەی گەنە، وتیش: لەسای رژیمیگ دیموکراتی وشاهی دەستووری هاتێ ئەو هەڵمەتە گشت دەسپیچگەیلی بخەێدە وەردەس، باوجی ئی جور فێڵبازیە ئەوەسا مەردم فرەیگ خوەی دویر خەێد، فرەتر لەوەگ ئی باوەتە نزیکیان بکەێد.
سمیت، خاوەن هەڵمەتەگە وت: هەفتا ساڵە یەک کەس هابان سەر دەوڵەتەگە چشت رەنگینیگ نێیە، کاریگ تەندروسی نییە ئەرا دیموکراتی، و هاتێ یە دویاترین کار گەورەیگ بوود لە سەردەم شاژن، و خوازیمن هویر بکەیمن ک لەدویای ئەوە چە بوود.
رەوانگەیلیگ ئەرا رای گشتی لە بەریتانیا نشان دانە ک ٦١% لە مەردمەگە پشتگیری شاه کەن، و ٢٤% لەلیان خوازن سەرۆکیگ وە هەڵبژاردن بوود، باوجی لەی ساڵەیل گوزەشتە ئاڵشتییگ کەفتە ناو ئەوانەگ تەمەنیان هاناو ١٨ تا ٢٤ ساڵان.
