هەشت کوشیان وە پەلاماریگ چەکدار لەناو یانەیگ شەوانە لە مەکسیک
2023-01-30T08:48:41+00:00
شەفەق نیوز/ هەشت کەس بوینە قوربانی پەلاماریگ چەکدار لەناو یانەیگ شەوانە لە شار خیریز باکوور مەکسیک، لەو ناوچە ک کارەیل تونەڕەوی وەلایەن باندەیل هوشبەری وەخوەی دوینێد.
وەگورەی قسەی دەسەڵاتەیل ناوخوەیی، کەسەیلیگ چەکدار تەقە لە یانەیگ شەوانە لە ویلایەت زاکاتیکاس کردنە ک نزیکەی ٦٧٠ کێلومەتر لە مەکسیکۆ دویرە.
شەش کەس وەکوتپڕ کوشیان و دووان لەوەر زەخمەیلیان مەوقەی فریاکەفتن تەندروسی گیانیان لەدەس دان.
دیاری کرد ک قوربانیەیل میوزیکژەن و میوانەیل یانەگە و کراکارەیل ناوی بوینە.
هیمان پەنج زەخمدار لەو پەلامارە لە خەسەخانە خەفتنە.
پارەکە، کارەیل تەقەکردن و کوشتن و بڕین لە ویلایەت زاکاتیکاس ناچار سەدان کەس کرد لەو ناوچە بچنە دەر، لەوەر جەنگ ناوبەین گەورەترین دوو چەتەی هوشبەری لە وڵاتەگە.
