هیزەیل رووسیا ناوچەیگ نزیک کیێڤ داگیر کەن

شەفەق نیوز/ ئمڕوو هێزەیل سوپای روسیا شارۆچکەی ئیڤانکێڤیان لە باکور کیێڤ پایتەخت ئۆکرانیا کۆنتڕۆڵ کرد، وەرپرسەیل حکومەت ئۆکرانیا راگەیانن، مۆسکۆ خوازێد سەرجەم ریەیل هاتوچگن ئەرا کیێڤ کۆنتڕۆڵ بکەێد و ئابڵوقە بخەێدە بان شارەگە. 

ئۆلێکسی کۆلیبا، سەرۆک ئەنجومەن سەربازی ئەرا پاراستن کیێڤ ئمڕوو چوارشەممە وە رووژنامەنۊسەیل راگەیان، هیزەیل روسیا تۊنستنە شارۆچکەی ئیڤانکێڤیان لە باکور کیێڤ کۆنتڕۆڵ بکەن، لەی وەختە تەقەلایان ئەرا کۆنتڕۆڵکردن شارۆچکەی بوتچا خەستر کردنە. 

دیاریکرد، هیزەیل روسیا خوازن لەری جیاکردن کیێڤ لە ناوچەیلتر  و کۆنتڕۆڵکردن ریەیل سەرەکی، ئابڵوقە بخەنە بان پایتەخت ئۆکرانیا و دۊاجاریش کارکەن لەبان لەناوبردن ژێرخان سەربازی سوپای ئۆکرانیا.