هیزگردن ئاگر گەپیگ لە دارسانەیل ژاپۆن

شەفەق نیوز/ دەسڵاتدارەیل ژاپۆن، ئمڕوو شەممە، بەرەنگار شەپوولیگ هیزگردن ئاگربوینە کە وە بەدترین و فراوانترین بڵاوبوینەوە دانرێد لەماوەی یەک سەدە، بویەسە مدوو مردن کەسیگ و هەزاران کەس ناوچەگە چوڵەوکردنە.

 ئاژانس ئیدارەی ئاگر و کارەساتەیل مەزەنەکەن ئاگرەگە بڕ 1200 هکتار گرێسە وەر لە دارسان ئەوفۆناتۆ لەناوچەی ئەیواتی باکوور لە رووژ هیزگردنەگەی رووژ چوارشەممەی وەرین تا ئیسە.

قسەکەر ئاژانسەگە وە "فرانس پرێس" راگەیان "هێمانگ لێکۆڵینەوە لە بڕ رووبەر ئەو ناوچە کەیمن کە ئاگر لەلی هیزگردیە، باوجی گەپترین ئاگرە لە ساڵ 1992ەوە تا ئیسە".

ئاژانس ئیدارەی ئاگر و کارەساتەیل دووپاتکرد 1700 ئەندام ئاگرکپەوکەر لە شوینە جیاوازەیل وڵاتەگە بەشداری لە کپەوکردن ئاگرەگە کردنە.