هۆڵهندا: وهرپرسهيل توركيا له وڵاتهگهمان جى خوهشاڵى نين
![هۆڵهندا: وهرپرسهيل توركيا له وڵاتهگهمان جى خوهشاڵى نين](https://media.shafaq.com/media/archive/files/KURDISH/kkkkk9.jpg)
شهفهق نيوز/ حكومهت هۆڵهندێ ئهوه دهرخست ك توغرل توركيش جيگر سهرۆك وهزيرهيل توركى پيشوازێ خاس لهلى نهكرياگه وهرجه ههفتهيگ له سهردانهگهێ ئهرا هۆڵهندا ك ريككهفت بوێ وهل ساڵياد يهكهم ههوڵهيل كودهتا له توركيا.
لهى باوهتهو، روێتهرز ئهوه ئاشكرا كرد ك توركيش نياز بهشدارێ ديرێد له بوونهيگ ك توركهيل لهتى له هۆڵهندا ساڵياد ئهو كودهتاێ شكهسته ساڵ گوزهيشته ئهكهن.
جى باسه، وزارهت كاروبار خارجى هۆڵهندييش له بهياننامهيگ وت: ئامادهبوين توركيش يا ههر ئهنداميگ تر له حكومهت توركى جى خوهشاڵى مهردم هۆڵهندێ نيه وه گوورهێ بارودوخ ئيسه له پهيوهنديهيل دولايهنهێ ناونى ههردوگ وڵات.