هویرکاریەیل کوشتن سەلوان مۆمیکا لە سوید

شەفەق نیوز/ دەسەڵاتەیل سوید، دووپات کردن کە سەلوان مۆمیکا، ئەو بیاو عراقیە کە تویڕەیی دروس کرد هەناێ لە ساڵ 2023 چاپیگ لە قوران سزان، وە گولە کوشیا.

تووڕ CNN ئەمریکی دووپات لە ژوان قسەکەر بانگەشەکار گشتی سوید وت: مۆمیکا، پیرەکە چوارشەممە، لە ستۆکهۆڵم پایتەخت، وەگولە کوشیا.

پولیس ستۆکھۆڵم وت: پەنج کەس دەسگیر کریان کە گومان لە جیوەجیکردن تاوان کوشتن لەبانیان هەس.

جوڕان لوندال پارێزەر دادگای کەرت ستۆکھۆڵم وت: بڕیار بوی دویای یەک رووژ لە کوشتنی (پەنجشەممە) بڕیار لەبان مۆمیکا دەرچیاد لە دادکارییگ کە توومەتباری کریاس وە گاڵداین وەبان خوەسهاتن رەگەزپەرەسی کریاس، و ئیرنگە بڕیارەگە دویاخریا.

دەزگایل ئەمنییش بەشداری لەی لێکۆڵینەوە کەن، کە رخداری هەی کوشتن مۆمیکا پەیوەندی و هیزەیلیگ بیگانە بیاشتوود، وەقسەی ئۆڵف كريسترسۆن سەرۆک وەزیرەیل سوید، لە کۆنگرەیگ رووژنامەوانی، وەکورەی ئێزگەی SVT گشتی.

هەشماریگ لەبان پلاتفۆرم ئێکس کە گوایە مۆمیکا خاوەنیە، خەوەرەیل لەبان دادکاریکردنی لە ساڵ 2025 بڵاو کەێد کە زیاتر لە  230 کەس  نووڕنە ئەو ماەپەڕە، کە هەمیشە چشتەیلیگ دژوە ئیسلام بڵاو کەێد، و لەی مانگە داوای یارمەتی کرد تا پارێزەریگ نیشانی بیەن تا دەسمیەتیی بەێد پەنابەری لە ئەمریکا بکەفێدە دەسی.