هووشداری لە جویریگ دەرمان کیش داوەزانن دریەێد
2024-06-23T14:25:07+00:00
شەفەق نیوز/ رێکخریاگ تەندروسی جەهانی هووشداری دەێد لە جویریگ دەرزی ساختە “ئۆزامپیک” کە ئەرا کیش داوەزانە بوودە هووکار مردن.
وەپای رووژنامەی تایمز، “وەرپرسەیل تەندروستی جەهانی لەباوەت دەرزی ساختەی “ئۆزامپیک” هووشداری دەێد کە مەترسی دیرێد و هاتێ بوودە هووکار مردن ئەرا ئەو کەسەیلە وەکاری تیارن.
رێکخریایەگە داوا لە مەردم و پزیشکەیل کەێد ئاگاداربوون لەو دەرمان ساختە کە ئەرا داوەزانن کیش وەکارتێد و ئەو دەرمانە لە بەریتانیا و ئەمریکا و بەرازیل هەس.
