هوشداری لە وەزیر ژینگەی تورکیا: مەرمەرە نزیکە لە کارەساتیگ زەویلەرزە
شەفەق نيوز/ موڕاد کوروم وەزیر ژینگەی و پلان بیناسازی تورکیا، ئمڕوو چوارشەممە، هوشداری لە رخەیلیگ زەویلەرزە دا لە ناوچەی مەرمەرە، وتیش؛ هەر زەویلەرزەیگ ویرانکەر لەی ناوچەی وە تەنیا قەیرانیگ رفوو نیەوود.
کوروم لە قسەیلی مەوقەی گەردینیگ لەو ناوچە وت: ناوچەی مەرمەرە کە ئیستەنبوڵ و چەن ویلایەتیگ پیشەسازی گرێدەو، نیمەی بەرهەم نەوەتەیی تورک ئەنجام دەێد، و ئەرکیگ گرنگ لە بازاڕ کار رانێد، وتیش؛ مەرمەرە دڵ تورکیاس و بایەسە وە زانستن و پلانسازی و جیوەجیکردن زویوەزوی مقیەتیی بکەیمن.
وتیش: زەویلەرزەگەی بیسوسێەی نیسان، کە کاریگەریی رەسیە بۆرسە ويالوفا وتكيرداغ وكوجالی، جویر زەنگ هوشداری بویە نەبایەس بخەیمنەی پشتگووش، دووپات کرد کە وەزارەتەگە ئەوەسا ئەو ئەزموونەیلە کە لە زەویلەرزەی دویایی یای گردیمن ئەرا ویلایەتەیل مەرمەرە تیارێد، وەتایبەت ئەرا شار ئیستەنبوڵ.
کوروم دووپاتیش کرد کە ئاڵشتبوین شارستانی بویە کار گرنگیگ و داوا لە شارەوانی و کەرت تایبەت کرد وەرپرسایەتی خوەیان لەی چوارچیوە هەگرن، وەگەرد پابەندبوین تەواو وەزارەتەگە لە پشتگیریکردن ئی پڕۆژەیلە لەلایەن سپۆنسەر و پلانسازی و جیوەجیکردن.
وتیش: شار بۆرسە زویکردن لە ئاڵشتبوین بیناسازی و پیشەسازی خوازێد وەشیوەی چەوی وە ژینگەو بوود، و پابەند بوود وە پەیمانەیل زەویلەرزەی نوو، و دیاریکردن کە هەماهەنگی قایم ناوەین کەرت گشتی و تایبەت بوودە کلیل سەرکەفتن ئەرا نواگیریکردن کارەساتەیل ئەگەری.
