هوشدارییەیل ئەمریکی لە عراق و کەنداو.. و ترەمپ وە ناکاو پشووەگەی بڕێد
شەفەق نیوز- واشنتۆن
وەزارەت دەیشت ئەمریکی، شەوەکی زۊ ئمڕوو یەکشەممە، زنجیرەیگ لە هوشدارییەیل ئەمنی هاوەخت لەڕی دەسەیلیەو لە عراق و ئوردن و سعودیە و قەتەر و کوەیت و ئیمارات و بەحرەین و عومان و لوبنان و قودس دەرکرد، و داوا لە هاووڵاتییەیل خوەی کرد ئاست وریابۊن بەرزەو بکەن، لە ناوڕاس رخەیل لە فراوانبۊنیگ زویوەزوی و چەوەڕینەکریاگ ئەرا ئاڵووزی لە خوەرهەڵات ناوڕاس.
دەسەیل وتن، کە ژینگەی ئەمنی لە ناوچەگە "هیمان ئاڵووزە وەرد ئەگەر رۊداین ئاڵووزیتربۊنیگ چەوەڕینەکریاگ"، و هوشیاری دان لە هەڵوەشانن گەشتەیل و بەسیان بوارەیل ئاسمانی و شیویان چەوەڕیکریاگ لە جۊلەی گەشتکردن.
و داوا لەو ئەمریکییەیلە کرد کە لە ناوچەگە هەن وە راسەوخۆ پشتڕاسەو بکەن لە وەختەیل گەشتەیلیان لای کۆمپانیایەیل فڕۆکەوانی و فڕۆکەخانەیل، و وەدۊایچگن هوشدارییە فەرمییەیل و میدیایەیل راگەیانن ناوخۆیی بکەن، و پەیڕەوی رێنماییەیل دەسەڵاتەیل بکەن.
لە عراق، دەسەی ئەمریکی داوا لە هاووڵاتییەیلی کرد وەدۊای جۊلەی گەشتەیل لە فڕۆکەخانەیل بەغداد و هەولێر و بەسڕە و سلێمانی بکەفن، و خوەیان دۊر بخەن لە خوەینشاندانەیل و گردەوبوینە گەوراگان و ئەو ناوچەیلە کە بڵاوبۊن ئەمنی چڕ وەخوەیانەو دوینن، لە شان وریابۊن لەو شوینەیلە کە وە ئاشکرا پەیوەندی وە وڵاتە یەکگرتگەیلەو دیرن و هێشتن ئاستیگ نزم لە دەرکەفتن.
وەلی باڵیۆزخانەی ئەمریکی لە عەممان، ئاموژگاری هاووڵاتییەیلی کرد کە دۊرەو بکەفن لە سەفەر ئەرا بنکە سەربازییەیل لەناو ئوردن، و وەڵامداینەو ئەرا زەنگەیل هوشیارکردن و هوشدارییە فەرمییەیل، و دۊرەوکەفتن لە پەنجەرە و دەرگا شووشەییەیل و جیماگە رزیاگەیل لە وەخت رۊداین هەر پەلاماریگ ئاسمانی.
هوشدارییەیل دەسنشان کردن ئەرا ئەوەگ حوسییەیل کە پشتگیرییان لەلایەن ئیرانەو کریەێد کارەیلیگ سەربازی لە دژ سعودیە جیوەجی کەن کە رەسینەسە فڕۆکەخانە مەدەنییەیل، و هوشیاری دا لەوەگ ئی رۊوەڕۊبۊنە شایەت زویوەزوی زیای بوود.
هەمیش وت کە دامەزراوەیل دیپلۆماسی ئەمریکی، لەناو خوەرهەڵات ناوڕاس و دەیشتی، وەرجەتر کەفتنەسە وەر ئامانجگردن، و هوشیاری دا لە ئەگەر ئامانجگردن بەرژەوەنییەیل ئەمریکی ترەک لە دەیشت لەلایەن ئیران یا ئەو گرووپەیلە کە پشتگیریی کەن، کە لەناویانیش کۆمپانیا و دامەزراوەیل پەیوەندیدار وە وڵاتە یەکگرتگەیلە.
لە وەختیگ فرەی هوشدارییەیل فتراق خستنە بان تونەوکردن وریابۊن، دەسەی ئەمریکی لە ئیمارات داوا لەو هاووڵاتییەیلە کرد کە لە دەیشت خوەرهەڵات ناوڕاسن "وە راسی چەوپیاخشکانن بکەن" لەباوەت سەفەرکردن ئەرا ناوچەگە یا رەدبۊن لەڕییەو.
واشنتۆن بەسیان دەسەیلی خەوەر نەیا، چۊنکە باڵیۆزخانەیلی لە سعودیە و قەتەر و بەحرەین و لوبنان و عومان، لە شان باڵیۆزخانەگە لە قودس، دووپات لە وەردەوامبۊن خزمەتگوزارییەیل کونسوڵگەری ئاسایی یا پەلە کردن.
ئی هوشیارییەیلە دۊای چەن سەعاتیگ لە خەوەردان حوسییەیل لە پەلاماردان شوینەیلیگ کە وە "ناسک" باسیان کردن لە ریاز وە مووشەک و فڕۆکە بیفڕۆکەوانەیل هاتن، لە وەختیگ زوانەیل ئاگر و هەوریگ دۊکەڵ گەورا لە نزیک فڕۆکەخانەی مەلیک خالید ناودەوڵەتی دیریان.
ئەو هاوپەیمانییە کە سعودیە سەرکردایەتیی کەێد وت کە وەرگرییە ئاسمانییەیل مووشەکیگ رمانن کە وەرەو ریاز وەشیاۊد، و پەلامارەیلیگ پۊچەڵەو کردن کە بیش و فەرسان و تائیف و یەنبوع کردنەسە ئامانج، لە وەختیگ حوسییەیل خەوەر دان لە پەلاماردان دامەزراوەیگ سەروە کۆمپانیای ئارامکۆ لە یەنبوع.
دەسەڵاتەیل سعودی وەرجەتر هوشیارییەیلیگ لەباوەت رخ پەلامارەیل ئاسمانی کل کردۊن وەرجە ئەوەگ کووتاییهاتن رەوش رخەگە رابگەینن.
لە پیشهاتیگ هاوەخت، میدیایەیل راگەیانن ئەمریکی خەوەر دان، کە سەرۆک دۆناڵد ترەمپ ئەو پشوو کووتایی هەفتە کە لە هاوینەهەوار کامپ دەیڤد سەرۆکایەتی وەختی لەتی رەد کرد بڕی، و بڕیار دا ئیوارەی شەممە گلەو بخوەێد ئەرا کۆشک چەرمگ، لە جیای ئیوارەی یەکشەممە چۊ ئەوەگ دیاری کریاۊد.
کۆشک چەرمگ خەوەر لە مدوو دەسکاری خشتەی ترەمپ و کوڵەوکردن ماوەی مەننی نەیا، هەمیش ئاشکرا نەۊ کە ئایا گلەوخواردن زۊەگەی پەیوەندی وە پیشهاتەیل زویوەزوی لە خوەرهەڵات ناوڕاس دیرێد یا نە.
ئی پیشهاتەیلە لە چوارچیوەی فراوانبۊن بازنەی جەنگ هەرێمییەگە تیەێد کە وە گورزەیل ئەمریکی و ئیسرائیلی لەبان ئیران لە کووتاییەیل شوبات/ فێبرواری گوزەشتە دەس وەپی کرد، وەرجە ئەوەگ رۊوەڕۊبۊنەگە لە ناوەین سعودیە و حوسییەیل لە تەموز/ یۆلیۆەو ئاڵووزتر بوود.
ترەمپ لە قسەیلیگ ئەرا رووژنامەنویسەیل لە وەختیگ وەرجەتر لە هەفتەی گوزەشتە وت کە تاران تواێد بڕەسێدە رێککەفتن، وەلی گلەو خوارد تا بویشێد کە خوەی نزیک کەێد لە "بڕیاریگ گەورا" لەباوەت دەسکردن وە ئۆپەراسیۆنە سەربازییە فراوانەیل، و وە ئاشکرا ئەگەر دەسوەردان ئەرا "لەناوبردن رژیم ئیرانی" خستە روی.
