هه‌ڕه‌شه له ئه‌مريكا دريا
2017-04-10T09:43:00+00:00
شه‌فه‌ق نيوز/ ناوه‌ند سه‌ركردايه‌تى هاوبه‌ش ك روسياو ئيران و هاوپه‌يمانييگ ئه‌را جه‌ماعه‌ته‌يل چه‌كدار گرته‌سه خوه‌ى و پشتگيرى به‌شار ئه‌سه‌د سه‌رۆك سوورى ئه‌كه‌ن، هه‌ڕه‌شه‌ى جواودانه‌وه‌ى هه‌ر په‌لاماريگ تازه‌ى ئه‌مريكى كرد ئه‌را بان سوريا.
له به‌ياننامه‌ى ناوه‌ند هاوبه‌ش و بڵاوكردنى له‌بان ماڵپه‌ڕه‌يل ره‌سانن جه‌نگى سه‌ر وه ناوه‌نده‌گه وترياگه: ئه‌وه‌گ ئه‌مريكا ئه‌نجامى دا ئه‌را بان بنگه‌ى ئاسمانى شعێرات له سوريا نه‌جتوز گه‌ورايگه و له‌ئيسه‌و دويا وه‌گشت هيزيگه‌و جواو هه‌ر په‌لامار تازه‌يگ ئه‌يه‌يمنه‌وه‌و ئه‌مريكايش خاس ئاگاداره له تواناى ئيمه.
جى باسه، رووژه‌يليگ وه‌رجه ئيسه وڵاته‌يل يه‌كگرتگ ئه‌مريكى بنگه‌يگ ئاسمانى سوورى له‌ڕى 10 مووشه‌كه‌و ويران كرد و يه‌يش بويه جى ره‌خنه‌گرتن روسيا و ئيران و هاوپه‌يمانه‌يل ئه‌سه‌د.
