هشکەساڵی دەێد لە دەوڵەتەیل باشوور ئەفریقا و ٢٠ ملیۆن کەس کەفنە هەڕەشەی وەرسگی
ئی رەوشە وە تایبەتی کاریگەری لەبان وڵاتەیل لات جەهان و مەردم بیبەشترین خەڵک جەهان دیرێد.
تەنیا چەن مانگیگ وەرجەیە ناوچەگە تویش زریان گەرم و لافاویگ مەرگبار هات، و زامبیا و مالاوی لەوەر هشکەساڵییەو دەوڵەت نیشتمانی کارەسات ڕاگەیان، هاتێ زیمبابۆییش ئەو کارە بکەێد.
لە شوینیگ بەشەوکردن خوەراک لە قویلایی ئاوایەیل زیمبابۆی، تیمەیل فریاگوزاری لەی دواییە هاوکاری پیشکەش وە نزیکەی ٢٠٠٠ کەس کرد.
وە مەزەنەکردن ٢٠ ملیۆن کەس دەسمیەتی خوازن لە ناوچەگە وە گشتی و هاتێ فرەیان وە ئاسان دەسمیەتی نەکەفێدە دەسیان.
سندوق مناڵەیل نەتەوە یەکگرتگەیل (یونیسێف) راگەیان؛ وە مەزەنەکردن ٩ ملیۆن کەس - کە نیمەیان مناڵن - لە مالاوی دەسمیەتی خوازن، زیاتر لە ٦ ملیۆن کەس لە زامبیا - لەناویان ٣ ملیۆن مناڵ - لەوەر هشکەساڵی زیان وەپیان رەسیە.
یەیش نزیکەی نیمەی دانیشتگەیل مالاوی و لەسەدا ٣٠ دانیشتگەیل زامبیاس.
ئیڤا کادیلی، وەڕێوەبەر یونیسێف ئویشێد: "وەداخەو مەزەنە کریەێد کەشوهەوای سەخت لە ساڵەیل ئایندە بوودە چشتیگ باو لە خوەهەڵات و باشوور ئەفریقا".
فرانسیسکا ئێردلمان، وەڕێوەبەر بەرنامەی خوەراک جەهانی لە زیمبابۆی راگەیان: بەرهەم ساڵ گوزەشتە بەد بویە، بەڵام ئی وەرزە گەنترە.
