ژن و مناڵ هاناویان.. دەیان کوشیان و زەخمداری لە فەلەستینیەیل غەزە
ئاژانسەگە وت: شمارەیگ هاوڵاتی گیانیان لەدەسدانە و شمارەیگ ترەکیش وە زەخمەیل جویراوجویر زەخمدار بوین، یەیش لە ئەنجام دووارە تووپخانەیل ئیسرائیل لەبان ناوچەیل خوەرئاوای شار خان یونس و لەبان گەڕەک سەبرا لە شار غەزە.
وەگەرد گورزەیل فڕۆکە بێفڕۆکەوانەیل داگیرکەرەیل و تووپوارانکردن گەڕەکەیل خوەرهەڵات شارەگە، وە پەلاماریگ ئیسرائیلی کردە ئامانج، هاوڵاتییگ کوشیا و کەسەیلیگ ترەک زەخمدار بوین.
گەڕەک ئەلزەیتون لە باشوور شار غەزە کەفتە وەر تەقەکردن سەختیگ و دەنگ تەقینەوە ژنەفیا.
لە بەیت لاهیا، سەرچەوەیل باس لەوە کەن کە لە ئەنجام پەلاماردان ماڵیگ تەرمیگ دراوریا و تا ئیسەیش شمارەی کەسەیل فرەیگ بیسەروشوین لە ژیر رمیاگەیل مەننە.
لە ئاماریگ نا کۆتایی شمارەی قوربانییەیل ئەرا ٢٩ هەزار و ٦٠٦ کوشیاگ و ٦٩ هەزار و ٧٣٧ زەخمدار لە دویای دەسوەپیکردن ئۆپەراسیۆنە سەربازییەیل ئیسرائیل لە کەرت غەزە لە هەفت تشرین یەکەم گوزەشتەو بەرزەو بویە.
