نیویۆرک تایمز: ئیسرائیل دوو زانای ئیرانی وە ژەهر کوشتیە
2022-06-14T11:59:23+00:00
شەفەق نیوز/ رووژنامەی نیویۆرک تایمز ئەمریکی وت: ئیسرائیل دوو زانای ئیرانی وە ژەهر کوشتیە.
رووژنامەگە لە راپۆرتیگ وت: وەرپرسەیلیگ ئیرانی گومان فرەیگ دیرن ک هەرلە ئەیوب ئینتزاری و کەمران ئاغامەولای ک هەردوگیان زانان، وەدەس لایەنەیلیگ هاوکار ئیسرائیل ژەهرخوەر کریانە.
ئەو دوو پیاوە، لە هەفتەی گوزەشتە گیانیان لەدەسدان، ک ئەیوب ئینتزاری ئەندازیار فرۆکەوانی بوی، وکەمران ئاغامەولای لە جیۆلۆجیا کار کردیاد.
هەردوگ پیاوەگە لە ئایار گوزەشتە، وەناکاو بیمار کەفتن، ودویای چەن هەفتەیگ گیانیان لەدەسدان، ک ئاغامەولای ئەرا میوانی مکیس کریاوێد وخوەراک ژەهرین دریا دەرخواردی، و وەگورەی نیویۆرک تایمز، خاوەن میوانیەگە دویای ئەوە لەوەرچەو نەما.
رووژنامەگە مەزەنە کەێد ک ئینتزاری لە سەردانیگ ئەرا شار تەبریز ژەهرخوەر کریا.
