ژنیگ لە وڵات میسر لە تەقەلای خوەیکوشتنی پیاویگ کوشێد
شەفەق نیوز/ پولیس پارێزگای کەفر شێخ باکوور قاهیرەی میسر، لێکۆڵینەوە لە رویداو کەفتن خانمە پەرستاریگ لە قات شەشەم لەیەکیگ لە خەسەخانەیل وەبان سەر فەرمانبەر ئاسایش خەسەخانەگە کەێد، ک وەکوتپڕ پاسەوانەگە گیانی لەدەسدایە، و ئەو خانم پەرستارە ک خوازیە خوەی بکوشێد وەزنی مەنیە.
سەرچەوەیگ ئەمنی ئەرامیدیایل راگەیانن وت: پولیس ئاگاداری لە کەفتن دویەتیگ لە قات شەشەم لە خەسەخانەی کەفر شێخ وەرگرد، ک کەفتیەسە بان سەر فەرمانبەر ئاسایش لە خود خەسەخانەگە، و وەکوتپڕ گیانی لەدەسدایە، و دویەتەگە خریاسە ژیر چەودیاریکردن هویرد.
سەرچەوەگە دیاری کرد ک وەڕەسین پولیس ئەرا خەسەخانەگە، دەرکەفت ک دویتەگە لە تەمەن ٢٢ ساڵان، کار پەرستاری کەێد، چەن شوینیگ لەلەشی شکیاگە، لەوەر کەفتنی لە قات شەشەم وەبان سەر فەرمانبەریگ لە ئاسایش خەسەخانەگە وەناو عەلا ڕەمەزان لە تەمەن ٢٩ ساڵان، ک وەکوتپڕ مردیە.
