نەفت بەرزەوبوی لەدویای راپۆرتەیل لەبان پەلامارە ئاسمانییەیل ئەمریکا وەبان دورگەی قشم ئیرانی

شەفەق نیوز - وەدویاچگن

نرخەیل نەفت لە مامەڵەیل زوی ئاسیا، ئمڕوو سێشەممە، بەرزەوبوی لەدویای راپۆرتەیل راگەیانن دیایکردن ئەرا  پەلامارە ئاسمانییەیل ویلایەتە یەکگرتگەیل وەبان دورگەی قشم ئیرانی، بویە مدوو بەرزەوبوین رخداری  لە زیایبوین ململانێ لە ناوچەگە و ئەگەر وەردەوامی ناجیگیری  نەفت لە خوەرهەڵات ناوڕاس دروس کرد.

وەپای ئاژانس "رۆیترز"، پەیماننامەیل ئایندەی خاو برێنت وە بڕ 48 سەنت، یا 0.5% بەرزەوبوی، رەسیە 105.25 دۆلار ئەرا بەرمیلیگ، لە وەختیگ خاو خوەرئاوا تێکساس  ئەمریکی 47 سەنت، یا 0.5% بەرزەوبوی ئەرا 96.93 دۆلار ئەرا بەرمیلیگ، وەپای ساعەت 01:04 وە وەخت گۆڕینویچ.

خاو برێنت مامەڵەیل رووژ دووشەممەی لەبان 104.77 دۆلار ئەرا بەرمیلیگ بوی، کە داوەزیانیگ وە بڕ 8.66 دۆلار، یا 7.63% توومار کردبوی.

تەهران وەردەوامی پەیوەنییەیل وەرد ویلایەتە یەکگرتگەیل راگەیان وە ئامانج کۆتایی هاتن وە جەنگەگە، لەدویای دانوسانەیل وەرد ناوەنکارەیل قەتەری  وە پێشکەشکردن پێشنیازەیل ئاڵوگۆڕکریاگ بی ئەوەگ بڕەسێد وە دەسکەفتیگ.