نەدتوانن، تا وە سەد ساڵیش خاون‌ماڵ، ببن
2021-02-17T07:08:39+00:00
شەفەق نیوز- دمایین دەسکەفت ئی سەدە دە ئێران، دە حەوزەێ ماڵ و ساختمان یەسە ک ئێرانییەێلە نەدتوانن، تا وە سەد ساڵ خاون ماڵەو ببن و بایەد یەک قەڕن چەمەڕێ و مەندیر بمینن ئەڕا یە ک خاون‌ماڵ بکرن.
دە شاخسێ ک دە ئێران ئێعڵام بییە، شاخس دەسڕەسی وە ماڵ‌سەنین و ماڵ‌گرتن ئەڕا ئێرانییە بییەسە 109 ساڵ تەمام، بیس سال وەر ژە یە، دە ئێران ماڵدار بیین، بیس ساڵ چەمەرێ بیین دخواست.
خاسە بزانن دە دنیا، ئەگەر مەندیری ئەڕا ماڵدار بیین بچوو وە بان 10 ساڵ، دویشن ک یە عادی نییە و دکەفنە شوون خاس‌وڕاس کردن وەز و وەزیاتەگە تا وڵاتوەندەێلە دڵەوڕەێ ماڵدار بیین نەداشتووبن.
ئەگەر نام‌جای عمردریژی دە ئێران ، شەس ساڵان ببێ، هەر ئایمێ بایەد دو جار بیاێگە دی تا بتوانێ خاون‌ماڵەو ببێ
