کەنەدا وەبڕ 3.3 ملیار دۆڵار دەسمیەتی عراق دەێد
2022-06-30T08:29:37+00:00
شەفەق نیوز/ حکومەت کەنەدا راگەیان، وە بڕ سێ ملیار و ۳۰۰ ملیۆن دۆلار هاوکاری عراق کەێد تا بتوەنێد روی وە روی گیچەڵەیل هشکەساڵی بوود، و دەسمیەتیدەرە لە کەمکردن زەرەردەیل کومبوین ئاست ئاو.
گریگۆری گالیگان، باڵیۆز کەنەدا لە عراق راگەیان، حکومەت وڵاتەگەی وە هاوکاری نەتەوە یەکگرتویەیل و بەریتانیا هاوکاری عراق کەن تا روی وە روی ئاڵشتکاری کەشوهەوا بوودەو.
وتیش، پرۆژەگە پاڵپشتی عراق کەێد لە مژار ئاو و هشکەساڵی و ری درێد وە حکومەت کەنەدا وە دابینکردن 3.3 ملیار دۆلار تا 2026 هاوکاری عراق بکەێد تا بتوەنێد چارەسەر گیچەڵەیل کەم ئاوی و ئاڵشتکاری کەشوهەوا لە عراق بکەێد.
