نەداری لە ئیران وەشیوەی رخبەریگ زیایەو بویە
![نەداری لە ئیران وەشیوەی رخبەریگ زیایەو بویە](https://media.shafaq.com/media/arcella/1687087620246.jpg)
هەرچەن سێ مانگ لەبان سەر ساڵی نوو لە ئیران رەد بویە بەڵام بەرزبوبوين شيتانەی نرخەيل بويە مدوو ئاڵشتبوینیگ رخبەر لە نەخشەی داتای ئابووری لەو وڵاتە.
وەگورەی ئاژانس هەواڵی ئیرنا، دەسەڵاتدارەیل حکومەت لە چەن رووژیگ گوزەشتە ریژەی نوویگ لە نشانە و شمارەیل "کڕ هەژاری" بڵاو کرد، یەیش وە ئاشکرا نشانەس ئەرا ئەوە ک ئامارە بنەڕەتییەیل مووچە و کرا ک لە سەرەتای ئمساڵ دانریاگە، وەگەرد راسیەگە نیەگونجیەێد.
لەی دویاییە ناوەند توێژینەوەی پەرلەمان راگەیان ک ریژەی کڕ نەداری وڵات لە 19% ئەرا زیاتر لە 30% لە ماوەی دە ساڵ بەرزەو بویە، یەیش نشان دەێد ک زیاتر لە ٣٠٪ خەڵک ئیران هانە ژیر کڕ هەژاری، و وە پشتبەسین وە ستاندارد فرە کەمترین ئاست وە هەژار دانریەن، لەلاییگتر، ئەندامیگ دەسەی ئابووریی پەرلەمان، لە ١٥ی حوزەیران، وت: کڕ نەداری لە تەهران ٣٠ ملیۆن تومان (نزیکەی ٦٠٠ دۆلار) بویە.
وەگورەی ئی ناوەند توێژەییە؛ نزیکەی 30 ملیۆن ئیرانی هانە ژیر کڕ هەژاری، و 3 ملیۆن بنەماڵە وەدەس نەداری سەختیگ ناڵن، محمەد باقری بنابی ئەندام دەسەی ئابووری و نویەنەر خەڵک بناب لە پەرلەمان، دووپات کرد ک وەپەی ئامار کڕ هەژاری، کەمترین حەقدەس کریکارەیل وە گشت ئەو مەینەتە وەریگرن، ک کەمترە لە یەک لەبان سێی کڕ هەژاری لە تەهران.
ئەو پەرلەمانتارە باس ئەوە کرد که کڕ نەداری له تەران رەسیە 30 ملیۆن تومان و وتیش: وە نووڕین ئەو پەنامە ک له ماوەی یەک دوو ساڵ گوزەشتە زیای بوود، شایەت کڕ هەژاری له تەران رەسێدە 30 ملیۆن تومان، و وەپەی هەلومەرج نیشتەجیبوین، و ژیان و پەنام، دیارە چین ناوڕاس کۆمەڵگا لە تەهران یا شارەیل شانی وە کردەیی وەرەو پەراویزخستن دەڵەک نریەن، و هەر لەوەر ئی هوکارە شایەت ئیران فرە لە باوەتەیل کۆمەڵایەتی و سیاسی لە بانان وەخوەی بوینێد.