نەتەنیاهو: دەوڵەتیگ فەڵەستینی کە ئیران کۆنترۆڵی بکەێد دروس نیەود
شەفەق نیوز - خوەرهەڵات ناوڕاس
سەرۆک وەزیرەیل ئیسرائیل، بنیامین نەتەنیاهو، ئمڕوو شەممە، دووارە دووپاتکرد لەبان رەدکردن دامەزرانن دەوڵەتیگ فەلەستینی تا ئەو وەختەی لە پۆستەگەی بوود.
نەتەنیاهو لەو لێدوانەیل ئیوارەی ئمڕوو، وت: "هویچ دەوڵەتیگ فەڵەستینی نیەود کە ئیران کۆنترۆڵی بکەێد، نە لە غەززە و نە لە کەنار خوەرئاوا تا ئەو وەختەی من سەرۆک وەزیرانم".
ئێ لێدوانە لە چوارچمگ هەڵوێستە دوارەیل نەتەنیاهودا تێد کە رەدیکەێد دەوڵەت فەڵەستین دروسبوود، و لە بوونەیل گوزەشتەش دووپاتکردیە کە " ئێ شوینە هن ئیمەس و پارێزگاری لە کەلەپوور و خاکی خوەمان و ئاسایشەگەمان کەین".
هەمیش لە گوەشتە وتبوی؛ دەوڵەتیگ فەڵەستینی دروس نیەوود "تەنانەت ئەگەر پەیوەندییەیل وەرد سعودیەش ئاسایی بوونەو"، و لە لێدوانیگ جیاواز دەسپیچگ ئەرا هەڵوێستەگەی هاورد و وت" چوینکە ئامانج دەوڵەت فەڵەستین لەناوچگن دەوڵەتەگەمانە".
