چین: ئاڵووزییەیل کەنداو رخ خەێدە بان ئارامی بازاڕەیل وزە و زنجیرەیل دابینکردن

شەفەق نیوز- پەکین

وڵات چین، رووژ سێشەممە، هوشداری دا لەوە کە ئاڵووزییەیل زیایبۊیگ لە ناوچەی کەنداو ئاسایش دەوڵەتەیل ناوچەگە رمنێد، دووپات کرد کە لیکەفتەیلی هێمان کاریگەری خەێدە بان سەقامگیری بازاڕەیل وزە و جۊلەی دەریاوانی و زنجیرەیل دابینکردن.

و وەزیر دەیشت چینی وانگ یی، لە گردەوبوینی وەگەرد سەرۆک وەزیرەیل قەتەری محمد بن عەبدولڕەحمان ئال سانی لە پەکین، وت کە "جیوەجیکردن فشارەیل لەڕی چەک و تووپەیل دەرچە نییە"، دووپات کرد لەبان ئەوە کە گفتوگۆ و دانوسەنین نۊنەرایەتی "رێڕەوە راسەگە" کەن.

هەمیش وت، وەپای بەیاننامەیگ فەرمی ئەرا وەزارەت دەیشت چینی، کە وڵاتەگەی رێز لە تەقەلایەیل قەتەر گرێد لە ناوبژیوانی لەباوەت پرسەیل ناوچەگە و تەقەلاکەرن وەرەو ئاشتی، دووپات کرد لەبان ئامادەیی چین ئەرا وەردەوامبۊن لە پەیوەندی و هەماهەنگی وەگەرد دەوحە لەباوەت پرسە ناودەوڵەتی و هەرێمییەیل.

 ململانێ لە خوەرەڵات ناوڕاس چگە ناو مانگ هەفتەمی، بی هیچ نیشانەیگ ئەرا رێککەفتنیگ لەناوەین ویلایەتە یەکگرتگەیل و ئیران ئەرا کووتاییهاوردن وە کارەیل دژمنایەتی سەربازی کە کاریگەری کردنەسە بان دەریاوانی لە گەروو هورمز، یەکیگ لە گرنگترین رێڕەوەیل وزە لە جەهان.

 ویلایەتە یەکگرتگەیل و ئیسرائیل جەنگەگەیان دژ وە ئیران لە کووتاییەیل شوبات/ فێبریوەری 2026 دەس وەپی کردن، هەنای سەرۆک ئەمریکی دۆناڵد ترەمپ و وەرپرسەیل لە ئیدارەگەی لێدوان دان کە ئامانجەگە ویرانکردن توانایەیل ناوەکی ئیرانییە.