نوێنه‌ر تايبه‌ت ئه‌مريكا له ئيران دڵنيايى دا جه‌هان و زه‌ره‌د ته‌هران ئاشكرا كرد
2018-11-06T06:07:00+00:00
شه‌فه‌ق نيوز/ براين هۆك كلكرياگ تايبه‌ت ئه‌مريكى له ئيران، ئه‌وه ده‌رخست ك سزايه‌يل وڵاته‌گه‌ێ له‌بان ئيران زه‌ره‌د وه بازاڕه‌يل نه‌فت جه‌هانى ناڕه‌سنێد و جه‌ختيش له‌وه كرد رژێم ئيرانى زه‌ره‌ده‌يل فريه‌يگ دارايى كردگه له ماوه‌ى چه‌ن مانگيگ گوزه‌يشته.
له‌ى باوه‌ته‌و، ئاژانس روێته‌رز وت: هۆك له لێدوانه‌يليگ رووژنامه‌گه‌رێ وتگه: له يه‌كه‌م رووژ ده‌سوه‌پيكردن وه‌جبه‌ى دويه‌م له سزايه‌يل ئه‌مريكى ك وه‌شيوه‌يگ سه‌ره‌كى كه‌رت وزه‌ى ئيرانى ئه‌گرێده ئامانج، ئه‌و سزايه‌يله نادێده هووكار به‌رزه‌وبوين له نرخه‌يل نه‌فت جه‌هانى.
هۆك باس له‌وه‌يش كردگه ك زه‌ره‌ده‌يل رژيم ئيرانى نزيكه‌ى دو مليار دۆلار ئه‌مريكيه له داهات نه‌فت له مانگ مايۆ گوزه‌يشت تائيسه.
