نوری.. یەکەمین مووشەک کۆریای باشوور بڕەسێدە بۆشایی ئاسمان

 شەفەق نیوز/ کۆریای باشوور، ئمڕوو سێشەممە، سەرکەفت لە وەشانن یەکەمین مووشەک ئاسمانی دروسکریاگ ناوخوەیی، وەگورەی ئەوەگ پەخش تەلەڤزیۆن نشانی دا، لە دویەم تەقەلای سیۆل لەی چینە، دویای شکستهاوردن یەکەم تەقەلای لە ئوکتۆبەر گوزەشتە.  

ئەو مووشەک کۆریاییە ئەرا مەرەقەزکردن مانگەیل دەرسکرت ک کیشی رەسێدە ٢٠٠ تەن و وەشیوەیگ نافەرمی وەپی ئویشن "نوری" لە ناوچەی گوهۆنگ لە ساعەت چوار دویای نیمەڕو وە وەخت کۆریا وەشیا، وتنیش: دیارە کارەگە وەگورەی پلانەگە ری کەێد.  

وەشانن مووشەکەیل باوەتەیگ ناسکە لە نیمچە دوورگەی کۆریا، ک کۆریای باکوور لەبان بەرنامەی مووشەک پالیستی چەکداری کەفێدە وەر سزا. 

پلانەیل کۆریای باشوور باس مەرەقەزکردن بڕیگ لە مانەگەیل دەسکرت سەربازی لە بانان کەن، باوجی وەرپرسەیل ئویشن مووشەک نوری جویر چەک دروس نەکریاگە.