نزیکەی 2000 کوشیان و زەخمداری لە ئیران لە ئەنجام پەلامارەیل ئیسرائیل لە وەختیگ دەسوەپی کردگە
شەفەق نيوز/ سەرچەوەیلیگ ئیرانی خەوەردان لە بەرزەوبوین شمارەی کوشیاگەیل لە ئیران لە وەخت دەسکردن وە گورزەیل ئیسرائیل تا ئیسە ئەرا 585 کەس وەگەرد 1326 زەخمداری.
سوپای ئیسرائیل، شەفەق ئمڕوو چوارشەممە وت: زنجیرەیگ لە پەلامارەیل لە تەورات جیوەجی کەێد.
میدیایل ئیرانی وتن: تەقینەوەیل گەپیگ خوەرھەڵات تەهران لەرزانن.
وەگورەی میدیایل ئیرانی، ئیسرائیل پەلامار دامەزراوەیل بەرهەمکردن مووشەک خەیبەر دا لە نزیک تەهران، کە وەرژەیە لە ئۆکتۆبەر گوزەشتە پەلاماری دا.
وتنیش: دەنگ رممەی سێ تەقیان لە ئەبهەر لە پارێزگای زنجان ژنەفیا، و پەلامار زانکۆی ئیمان حسێن دریا کە پەیوەندی وەرد سوپای پاسداران دیرێد لە خوەرھەڵات تەهران.
مەزەنەیل ئیسرائیل خەوەردان کە ئیران لە دوو پەلامار لە شفەق ئمڕوو چوارشەممەو نزیکەی 25 مووشەک وەشانیە.
سوپای پاسداران لە بەیاننامەیگ، ئمڕوو چوارشەممە، دووپات کرد کە پەلامارەیل ئیران وەبان ئیسرائیل وەردەوامن.
سوپای پاسداران لە بەیاننامەیگ وت: وە گورەزیلمان سەربازگەیلیگ ئاسمانی ئیسرائیلی کردیمنە ئامانج، کە لەلییانەو پەلامار ئیران دریا.
عەلی خامەنەئی ریبەر باڵای ئیران، ئمڕوو چوارشەممە، وت: بایەسە وە هاز لە دوای ئیسرائیل رەفتار بکەیمن.
لە پۆستیگ لەبان ئێکس خامەنەئی وت: بایەسە وە هات وەرد قەوارەی سەهیۆنی تیرۆرست رەفتار بکەیمن، قەت سازش نیەکەیمن.
لە پۆستیگ ترەک وە زوان فارسی، خامەنەئی وت: جەنگەگە دەسوەپی کرد.
