نزیکەی 60 کوشیان و زەخمداری لەئەنجام گورزیگ ئیسرائیل وەبان سوریا
شەفەق نیوز/ ئامار قوربانیەیل گورز دویەشەو ئیسرائیل وەبان ناوچەی مسیاف لە سوریە رەسیە نزیکەی 60 کوشیان و زەخمداری.
ئاژانس "سانا"، ئمڕوو دووشەممە، لە زوان وەڕیەوبەر خەسەخانەی مسیاف وت: شمارەی کوشیاگەیل گورەزەگەی ئیسرائیل وەبان چەن شوینیگ لە دەورگرد مسیاف بەرزەو بوی ئەرا 14 کوشیاگ و 43 زەخمدار، 6 لەلییان زەخمییان سەختە.
میدیایل ئیسرائیل وتن: کوردەیل چەک ئاسمانی ئیسرائیل وەبان ناوچەی مسیاف لە سوریا بنکەیگ ئیرانی ئەرا توێژەرەیل گەشەپیدان و بەرهەمکردن چەک بوی.
رووژنامەی "تايمز ئۆف ئیسرائيل" وت: مەزەنە کریەێد مسیاف لە خوەرئاوای حەماە جویر سەربازگەی هیزەیل ئیران و لایەنگرەیلی وەکار هاوریاس، و لە ساڵەیل گوزەشتە ئامانج چەن پەلاماریگ ئیسرائیل بوی.
رووژنامەگە ئویشێدیش گوایە ئەو بینا ناوەند توێژينەوەی زانستی هاناوی کە وە CERS یا SSRC ناسیاسڕ کە ئیسرائیل ئویشێد هیزەیل ئیران ئەرا دروسکردن مووشەک زەوی- زەوی وەکاری تیەرن.
میدیایل سوریا دووپات کردن کە زەرەدەیل مادی گەورەیگ لە دارایی مەدنیەسل و تووڕ کارەبا لەبان ری گشتی مسیاف وازی عیون لە حەماە کەفتیە.
