نزیکەی سێ مانگ لە بڵۊزەی بورکان لا بالما
2021-12-13T06:35:56+00:00
شەفەق نیوز/ پسپۆڕەیلە باس کردن ک بڵۊزەی بورکانەگە لە دوورگەی لا بالما لە ئیسپانیا، ک ئەرا نزیکەی سێ مانگ چەمەیل سۊیەتک وەشانە دووڵەیل لاکومبری، خوەی درۊژترینە لەبان دوورگەگە.
بڵۊزەگە لە ١٩ی ئەیلول دەس وەپی کرد، و ستافرۆس میلیتلیدس لە پەیمانگەی چوگڕافی نیشتمانی ئیسپانیا وت: یە لە گشت بورکانیگ درۊژترە ک لە وەرجە ٥٠٠ ساڵ دەس وە توومارکردن کریاگە.
بڵۊزە و سۊیەتکەیل تاویاگ، ئاسمان شەوانە رووشن کردیاد، و بەڕنامەی کۆپرنیکۆس ئەرا رەوانگەکردن کارەساتەیلە وت: تەکان بڵۊزەیلە ٢٦٥٠ بینا لەلای کەمەو ویران کرد، و هەزاران کەس کەماڵەیلیان لەناو دوورگەگە بار کرد، ک ئەو دوورگە یەکیگە لە ئەرخەبییل دوورگەیل کەناری.
