نزيكه‌ى 90% له تويشهاتگه‌يل "كۆرۆنا" له چين خاسه‌وبوين
2020-03-23T08:30:40+00:00
شه‌فه‌ق نيوز/ دويايين ئاماره‌يل ده‌سه‌ى حكومى ئه‌را كاروبارى ته‌ندروستى له چين ئاشكراى نزيكه‌ى 90% له كه‌سه‌يل تويشهاتگ وه ڤايرۆس كۆرۆنا كرد وه‌ل مه‌ندنه‌وه‌ى ته‌نيا 5120 كه‌س له نه‌خوه‌شخانه‌يل ئه‌را وه‌رگرتن چاره‌سه‌ر.
ده‌سه‌ى ته‌ندروستى حكومى ئه‌وه ده‌رخست ك رووژانه داوه‌زين تۆمار ئه‌كا له شماره‌ى حاڵه‌ته‌يل تويشهاتن، ئاماژه وه‌يه‌يش كرد له‌ناونى تويشهاتگه‌يل ك شماره‌يان 81093 حاڵه‌ت بويه جه‌خت له خاسوبوين 72702 حاڵه‌ت كرد و نه‌خوه‌شخانه وه‌جى هيشتنه.
جى باسه، ده‌سه‌گه يه‌يش باسكرد له ناوچه‌ى هۆبى 13293 حاڵه‌ت تويشهاتن وه ڤايرۆس كۆرۆنا بويه، ك 117 كه‌س له‌ليان مردنه، يه‌يش وه‌و مانا ريژه‌ى مردن له ده‌يشت وۆهان 0،88% بويه.
