نرخ نەفت بەرزەوبوی وەگەرد فرەوبوین گرژیەیل ناوەین ئەمریکا و حوسیەیل

شەفەق نیوز/ نرخ نەفت، ئمڕوو دووشەممە، بەرزەوبوی، وەگەرد ئەوەگ ئەمریکا پەیمانیدا وەردەوام بوود لە پەلاماردان حوسیەیل یەمەن تا  کۆمەڵەی هاوپەیمانەیل وەرد ئیران کۆتایی تیارن وە  پەلاماردان بارهەڵگرەیلیان.

گرێبەست خام برنت 41 سەنت یا 0.6 لەسەد بەرزەوبوی ئەرا هەر بەرمیلیگ لە ساعەت 03:36 وەپای گریتیشن، و گرێبەست خام خوەرئاوای تەکساس ناوڕاس ئەمریکاش  40 سەنت یا  0.6 لەسەد بەرزەوبوی رەسیە 67.58 دۆلار ئەرا هەر بەرمیلیگ.

پەلامارە ئاسمانیەیل ئەمریکا وە گەپترین ئۆپراسیۆن سەربازیئەمریکا دانرێدلە خوەرهەڵات ناوڕاس لە وەخت دەسوەکاربوین سەرۆک ئەمریکا دۆناڵد ترامپ لە ینایر /کانوون دویەمەو تا ئیسە، وەزارەت تەندروسی ژیرکۆنترۆل حوسیەیل راگەیان لە ئەنجام 53 کەس وەلای کەمەو کوشیاس.